Prishtinë, 19 janar - Eliot Engel, kongresisti demokrat amerikan ka uruar përmes një deklarata lirimin e pilotit shqiptaro-amerikan, James Berisha nga burgjet e Eritreas.

Engel pohon se ai ka qenë duke punuar pas kuintave për lirimin James Berishës, për disa muaj dhe kërkon të falenderojë me këtë rast autoritetet Eritresë për plotësimin e kërkesës së tij humanitare, që James Berisha mbas 6 muajsh të jetë i lirë.

\"Shumë të tjerë, kanë ndihmuan për të bindur të Kuqtë, që të len Jamesin të lirë dhe të shkoj në shtëpi\", thekson ligjvënësi demokrat nga New Yorku Eliot Engel, bashkekryetar i Grupit per Çeshtjet Shqiptare në Kongresin Amerikan, duke shtuar, se të gjithë ata që kanë punuar për të fituar lirinë e tij, unë ju them \"Ju falemnderit!\".

Berisha u arrestua pas mbërritjes në Eritrea me një avion komercial dhe menjëherë është arrestuar. 

Ai u mbajt kryesisht në një burg incommunicado(të fshehtë), dhe stafi Konsullor i ambasadës së SHBA  në Eritrea, kanë qasje të kufizuar në të.

Bashkangjitur, me deklaratën e Engel është edhe një letër që kongresisti demokrat i Neë Yorkut, Eliot Engel me kongresitin republikan të Ohaio Jean Schmidt  i kanë shkruar  Qeverisë së Eritresë më 22 nëntor 2011, duke bërë thirrje për lirimin e James Berishës.

Botuesi i gazetës “Illyria” Vehbi Bajrami ishte i pari që ndërhyri pranë kongresistit Eliot Engel që të ndihmonte në shpëtimin e pilotit. Me të dhënat e marra nga Vehbi Bajrami, kongresisti Engel i bëri një kërkesë zyrtare Eritreas për lirimin e pilotit nga Kosova.

Me rastin e lirimit të tij, kongresisti Engel falenderoi të gjithë ata që gjithashtu u përpoqën paralelisht për të bindur autoritetet e Eritreas që të linin të lirë pilotin.

Botuesi i gazetës “Illyria” kujtoi takimin me pilotin Berisha përpara nisjes së tij për në kontinentin afrikan.

Ai ishte i shqetësuar për gjendjen e avionit që kishte nevojë për riparim. “U angazhova personalisht dhe me ndihmën e një grupi miqsh këtu në komunitet mblodhëm 7 mijë dollarë që do të shërbenin për riparimin e avionit që kishte mbetur në Sudan”, thotë Vehbi Bajrami.