New York, 18 qershor - Raporti i publikuar të hënën nga Komisionari i Lartë për Refugjatë i OKB-së vë në pah se konfliktet në mbarë botën kanë prodhuar 800,000 refugjatë të rinj në vitin 2011.

Kjo është shifra më e madhe për vit që nga viti 2000, kur numri i refugjatëve ishte 822,000 mijë.

Megjithatë, rreth 3.2 milionë njerëz janë kthyer në shtëpitë e tyre në vitin 2011, duke zvogëluar totalin e refugjatëve dhe personave të zhvendosur në nivelin global në 42.5 milionë.

Numri i madh i refugjatëve në vitin 2011 u atribuohet kryesisht konflikteve në Libi, Sudan dhe Somali.

Afganistani është burim kryesor i refugjatëve që përbëjnë 2.7 milionë.

Publikimet vijnë në prag të 20 qershorit, kur shënohet Dita Botërore e Refugjatëve.