Munhen, 7 janar - Kostoja totale globale e katastrofave natyrore për vitin 2013 ka arritur në 125 miliardë dollarë, një rritje e dukshme krahasuar me vitet pararendëse, sipas një studimi të rrjetit gjerman ”Munich Re”, të publikuar sot.

Shifra që pritet të mbulojë sektori i sigurimeve arrin deri në 31 miliardë dollarë, diçka më pak se shuma mesatare e regjistruar përgjatë dhjetë viteve të fundit, theksonte ”Munich Re”, në raportin e publikuar sot në mediat vendase dhe evropiane.

Në këtë raport theksohej se dëmet dhe shkatërrimet më të mëdha janë shkaktuar nga katastrofat natyrore, që kanë përfshirë Evropën dhe nga kalimi i supertajfunit ”Haiyan” në Azinë Juglindore.