Bruksel, 17 tetor - Raportuesi i Parlamentit Evropian për Serbinë, Jelko Kacin, ka porositur Serbinë se për të fituar statusin e kandidatit, është e domosdoshme që Qeveria e saj të bëjë thirrje për largimin e barrikadave në veri të Kosovës.

Sipas tij, pa e bërë këtë lëvizje, nuk ka pranim të marrëveshjes për vulat doganore.

Kacin ka shtuar se nëse nuk do të zbatoheshin marrëveshjet e arritura, politika aktuale e Serbisë do të diskreditohej në sytë e shumicës së vendeve anëtare të BE-së.
Kacin, ka thënë se në opinionin e Komisionit Evropian pritet që dialogu me Prishtinën të rifillojë, si dhe të zbatohen marrëveshjet e arritura deri më tani.