Beograd, 23 nëntor - Asnjë reagim institucional nga kryeqytetet shqiptare Tiranë e Prishtinë për dhunën e policisë serbe nga shqiptarëve në Medvegjë.

Reagoi vetëm partia opozitare Vetëvendosje dhe në Serbi I vetmi subjekt politik që e ka dënuar dhe ka kërkuar hetime është partia e Cedomir Jovanovicit – LDP.

“Polici, për të cilin banorët e Medvegjës thonë se ka mbiemrin Cvetkoviq, me dorezën e armës zyrtare, duke bërtitur “Shqiptarët ma kanë vrarë babanë”, ka shkaktuar plagë trupore Sokol Ismajlit dhe fëmijëve të tij të mitur.

Sulmi ka ndodhur në oborrin e shtëpisë së familjes Ismajli, dhe kishte ardhur pas refuzimit të Sokolit për të shkuar të shuaj një zjarr në fshat, me arsyetimin se është i sëmur dhe nuk dëshiron të dal nga shtëpia.

MUP-i dhe prokuroria duhet të reagojnë në mënyrë adekuate duke hetuar rastin deri në fund, policin përgjegjës ta sanksionoj, dhe kështu qytetarëve t’u dërgohet mesazh i qartë se institucionet shtetërore punojnë për të mirën e të gjithë qytetarëve”, thuhet në reagimin e Komitetit për të Drejtat e Njeriut të LDP-së.

Policia serbe para pak ditësh torturoi familjen Ismajli në fshatin Gërbac të Medvegjës.