Washington, 16 dhjetor - John Kerryish-kandidat për president në SHBA është në pritje të dorëzimit të karriges së Hillari Clinton, shefe e departamentit amerikan të shtetit.

Më herët për zëvendësimin e Clinton si kandidat i mundshëm ishte propozuar Suzan Rais, përfaqësuesja e SHBA në OKB e cila nuk ka pranuar këtë post.

E prekur nga një virus intestinal, Sekretarja Amerikane e Shtetit, Hillary Clinton është nën kujdesin e mjekëve. Si pasojë e dehidratimit, ajo ka humbur ekuilibrin dhe është përplasur në kokë.

Siç raporton Departamenti i Shtetit, kryediplomatja amerikane ndodhet aktualisht në shtëpine e saj. Disa ditë më parë, Clinton u detyrua të anuloje një tur në Marok, Tunizi dhe  Emiratet e Bashkuara Arabe.

Burime nga Kongresi, që kërkuan ruajtjen e identitetit thanë se Clinton nuk do të marrë pjesë në seancën dëgjimore të së enjtes, ku do të dëshmonte për sulmin e 11 shtatorit në konsullatën amerikane në Bengazi të Libisë.

Në këtë sulm humbi jetën ambasadori amerikan, Kristofer Stivens dhe tre amerikanë të tjerë, pjesë e stafit diplomatik të Shteteve të Bashkuara.