Beograd, 31 janar - Serbia do të bëjë çmos që në mars të marrë statusin e kandidatit për BE, por nuk do të pranojë përjashtimin e rezolutës 1244 të Këshillit të Sigurimt të OKB për përfaqësimin rajonal të Kosovës ka deklaruar shefi i diplomacisë serbe, Vuk Jeremiç.

I pyetur se a do t`i thotë Serbia jo statusit të kandidatit, nëse Kosova nuk pranon në përdorimin e rezolutës 1244, Jeremiç theksoi se Serbia do t`i thotë jo anulimit të këtij formulimi.

Rezoluta 1244 është "linjë e kuqe" e Serbisë, ka thënë Jeremiç për TV B92, duke shtuar se nuk bëhet ndonjë gjë e madhe nëse Serbia nuk e merr statusin e kandidatit.