Beograd, 7 qershor - Ministri i jashtëm i Serbisë, Vuk Jeremiç, ka falënderuar sot vendet e Organizatës së Shteteve Amerikane (OAS) që nuk e kanë njohur Kosovën dhe ka kërkuar nga ato që ta mbajnë këtë qëndrim.

Duke folur në tubimin vjetor të këtyre vendeve në kryeqytetin Lima të Perusë Jeremiç theksoi se Serbia kurrë nuk do ta pranojë finalen e imponuar, synim i së cilës është refuzimi i të drejtave të saj sovrane në Kosovë duke shtuar se "kjo nuk është as e drejtë, as legjitime, as e qëndrueshme".

Gjithashtu theksoi se mundësia e arritjes së kompromisit historik ndërmjet serbëve dhe shqiptarëve në Kosovë, do të rritet pas vendimit të Gjykatës Ndërkombëtare të Drejtësisë.