Beograd, 4 nëntor - Sekretari shtetëror në Ministrinë serbe për Kosovën, Oliver Ivanoviç, ka vlerësuar se KFOR-i nuk duhet t`i heqë barrikadat pasi sipas tij, kjo do të ndikonte në tensionimin e situatës.

Për agjencinë serbe të lajmeve, Beta, Ivanoviç ka thënë se “aksioni i sotëm i KFOR-it në afërsi të Bërnjakut është i rrezikshëm dhe do të shtojë tensionet.

“Kam frikë se e gjithë kjo do të çojë deri te sforcimi i barrikadave në gjithë veriun e Kosovës”, ka thënë Ivanoviç.

KFOR-i ka nisur mëngjesin e sotëm aksionin në afërsi të vendkalimit kufitar me Serbinë, Bërnjak, për zhvendosjen e barrikadës.