10 Janar 2025

Ish-Presidentja Jahjaga përmbyll vizitën treditore në Emiratet Arabe

Abu Dhabi, 2 dhjetor - Gjatë vizitës së saj treditore në Emiratet e Bashkuara Arabe, ish-Presidentja e Kosovës, Atifete Jahjaga u prit nga kryetarja e Këshillit Kombëtar Federativ Amal al-Qubaisi.

Me zonjën al-Qubaisi ajo bisedoi për thellimin e bashkëpunimit mes Parlamentit të Kosovës dhe Këshillit Kombëtar Federativ të Emirateve, veçanërisht në mes të grave që janë pjesë e këtyre institucioneve nga të dyja vendet.
 
Ajo shfrytëzoi këtë takim ta falënderojë zonjën al-Qubasi për ndihmën që Emiratet e Bashkuara Arabe i kanë dhënë Kosovës, ndërsa ajo shprehu gatishmëri për bashkëpunime të mëtejshme ekonomike dhe për investime në Kosovë.
 
Ish-Presidentja Jahjaga po ashtu u takua me Dr. Maitha Al Shamsi, ministre e Shtetit në Qeverinë e Emirateve të Bashkuara Arabe.
 
Zonja Al Shamsi kishte vizituar Kosovën më 21 Mars të vitit 2016, ku së bashku me ish-Presidenten Jahjaga vunë gurthemelin e Spitalit Pediatrik-Kirurgjik, në hapësirat e Qendrës Klinike Universitare të Kosovës.
 
Ajo, gjatë takimit që zhvilluan në Emirate, u interesua për procesin e punës që po zhvillohet në ndërtimin e këtij spitali.
 
Ish-Presidentja Jahjaga, gjithashtu u prit në Hedayah, Qendra Ndërkombëtare për Ekselencë në Luftimin e Ekstremizmit të Dhunshëm. Në këtë takim u diskutua për strategjitë ndërkombëtare, dialogun ndër-fetar, çështje që ndërlidhen me kërcënimin që paraqet terrorizmi, ri-integrimin e personave e kthyer si dhe rolin që luajnë familjet dhe gratë në ndalimin e kësaj dukurie.
 
Në Hedayah, Dr. Ali Rashid Al Nuaimi, kryetar i Organizatës, nënvizoi rëndësinë e vizitës së Jahjagës, duke shprehur interesim në bashkëpunim potencial mes organizatës që ai drejton dhe institucioneve të Kosovës.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)