Beograd, 31 mars - Selia e Shenjtë e Beogradit nuk ka asnjë ndryshim sa i takon qëndrimit për njohjen e shtetit të Kosovës.

Mos ndryshimin e qëndrimit e ka bërë të ditur kryepeshkopi i Beogradit, Stanislav Hocevar.

Me rastin e kërkesës që kryeministri i Kosovës Hashim Thaçi e ka bërë gjatë inaugurimit të Papës Françesko, që Vatikani ta njoh Kosovën, Hocevar ka thënë për ditoren Politika se “nuk e di nëse Thaçi e ka thënë këtë ose jo, por se Selia e Shenjtë nuk dhënë sinjale se diçka do të ndryshojë”, transmeton telegrafi.

\"Kjo është shumë e sigurt për dhe për ne shumë e rëndësishme - për tërë Kishën Katolike”, tha Hocevar.