Prishtinë, 5 nëntor - Sekretarja Amerikane e Shtetit, Hillary Clinton i ka dërguar urime Ministrit të Punëve të Jashtme të Republikës së Kosovës, Enver Hoxhaj, me rastin e Festës së Kurban Bajramit.

Zonja Clinton ka përgëzuar përmes Ministrit Hoxhaj të gjithë myslimanët kosovarë për festën e Bajramit, duke uruar që këtë festë ta kalojnë në paqe dhe të gëzuar.

Festa e Kurban Bajramit, është një rast për të festuar, me ç’rast myslimanët bashkohen për të reflektuar mbi vlerat e rëndësishme të familjes, bamirësisë dhe të komunitetit.