Beograd, 27 shtator - Sekretarja amerikane e shtetit, Hillari Klinton, do ta vizitoj Beogradin më 12 tetor, raporton shtypi i sotëm beogradas. Me këtë rast theksohet se ajo do të takohet me presidentin Boris Tadiç dhe me ministrin e jashtëm, Vuk Jeremiç.

E përditshmja 'Veçernje Novosti' shkruan se mund të pritet që zyrtarët e Serbisë me zonjën Klinton, do të bisedonin për modalitetet e dialogut të ardhshëm Serbi-Kosovë dhe për rrugën evropiane të Serbisë.

Ndërsa e përditshmja tjetër 'Danas', raporton se në kuadër të një turneu rajonal, zonja Klinton, para vizitës në Beograd, do të qëndroj edhe në Sarajevë.