Bern, 13 janar - Raporti i Martit është keqkuptuar dhe është trajtuar si të ishte një raport dëshmie në një proces gjyqësor.

Për shkak të këtij keqkuptimi ka pasur reagime tejet negative thotë Andreas Gross, deputet zviceran në Asamblenë Parlamentare të Këshillit të Evropës dhe kryetar i Grupit parlamentar të socialistëve në këtë Asamble.

Në një intervistë dhënë gazetës zvicerane ''Tages Ancajger'', ai thotë se të martën e fundit të janarit, me datën 25 në Këshillin e Evropës, do të ketë një diskutim të nxehtë lidhur më raportin e deputetit zviceran Dik Marty.