Romë, 14 shkurt - Në Itali, mijëra gra kanë shprehur me demonstrata zemërimin e tyre në lidhje me skandalet seksuale të kryeministrit Silvio Berluskoni.

Në qytetet e mëdha si Roma, Napoli dhe Palermo, gratë këndonin "Italia nuk është bordel" dhe mbanin pankarta, ku i bëhej thirrje Berluskonit të japë dorëheqjen.

Të udhëhequra nga aktoret, politikanet dhe gra të tjera të shquara italiane u mbajtën manifestime në më shumë se 200 qytete të këtij vendi me mbizotërim katolik.

Në këtë mënyrë shtohet presioni i brendshëm politik ndaj kryetarit 74-vjeçar të qeverisë, i cili mund të dalë së shpejti para gjyqit, për akuzën se ka paguar një të mitur për seks.