Berlin,29 dhjetor- Konservatorët bavareze, që qeverisin Berlinin së bashku me Angela Merkelin dëshirojnë të frenojnë emigracionin e shtetasve bullgarë dhe rumunë që po përfitojnë nga sigurimet shoqërore, ndërkohë landet gjermane i kanë bërë thirrje qeverisë për ndihmë.

“Me konceptet e përdorura aktualisht, ne nuk kemi mundësi të integrojmë emigrantët e varfër në shoqërinë tonë”, u shpreh në një artikull të botuar në “Frankfurter Allgemeine Zeitung” presidenti i federatës gjermane të landeve, Stephan Articus.

”Hapja e tregut gjerman të punës për bullgarët dhe rumunët më 1 janar paraqet për landet sfida të reja”, shtoi ai duke argumentuar se të ardhurit me origjinë nga këto vende, tashmë janë rritur shumë në vitet e fundit që përbën një kosto të lartë për qytetet që do t’i presin.