Berlin, 16 shtator - Zëvendësministri i Jashtëm gjerman, Werner Hoyer, ka ftuar të gjitha palët në Kosovë që të ulin tensionet dhe të shmangin rrethanat që mund të nxisin konflikt.

Hoyer ka thënë se fakti se “misioni evropian i drejtësisë, EULEX, ka marrë kontrollin e doganave, është hap i rëndësishëm për qarkullimin e lirë të mallrave dhe normalizimin e raporteve të Kosovës dhe Serbisë”.

Ai i fton palët të jenë të qeta, që të shmangen nga gjithçka që sjell konflikte, dhe të qëndrojnë në rrugën e qetë të zbatimit të marrëveshjes së arritur me dialog.