Berlin, 23 prill - Në grindjet rreth pranimit të mijëra refugjatëve afrikanë, Franca po shqyrton mundësinë e pezullimit të Marrëveshjes së Shengenit, e cila mundëson kalimin pa kontroll të kufijve të vendeve anëtare të kësaj zone.

Presidenti i Francës Nicolas Sarkozy të martën në Romë për këtë çështje do të bisedojë me kryeministrin italian Silvio Berlusconi, thuhet në Paris.

Italia i ka pajisur kohët e fundit shumicën e rreth 25.000 refugjatëve të ardhur kryesisht nga Tunizia me dokumenta, të cilat u mundësojnë që të udhëtojnë në vendet tjera të Bashkimit Evropian. Qëllimi i tyre kryesor është të kalojnë në Francë.