Paris, 24 nëntor - Autoritetet franceze morrën vendimin t’i japin një ndihmë financiare me vlerë prej 1.2 milionë eurosh Koalicionit Kombëtar të Forcave Revolucionare dhe Opozitare Siriane (KKFROS), thuhet sot në një deklaratë për shtyp të Ministrisë së Jashtme franceze.

Përveç kësaj autoritetet franceze do të japin edhe 300 mijë euro për të ndihmuar refugjatët sirianë në Irak, Jordani dhe Liban.

\"Situata humanitare në Siri çdo ditë sa vjen e përkeqësohet më shumë. Është e domosdoshme që komuniteti ndërkombëtar t’i ofrojë KKFROS fonde monetare, për të ndihmuar bashkëqytetarët në vështirësi\", - theksohet në njoftimin e ministrisë.