Shkup, 29 dhjetor - Flamurit kombëtar amerikan, i cili u valëvit pak kohë më parë mbi Capitoll Hill në Washington DC, për nder të Kryetarit të BDI-së Ali Ahmeti, ka mbërritur në Maqedoni. Jo vetëm flamuri, por edhe certifikata ka mbërritur në adresë të kreut të BDI-së.

Flamuri amerikan u shpalos pas një kërkese nga kongresmeni Eliot Engel, mik i vjetër i shqiptarëve, për nder të kreut të BDI-së.

Kjo ceremoni u realizua më 13 gusht, me rastin e përvjetorit të nënshkrimit të Marrëveshjes së Ohrit. Këto janë pamjet nga flamuri dhe certifikata që ka mbërritur në Maqedoni këto ditë. Ndërkaq, para disa viteve, për nder të kreut të BDI-së Ahmeti, flamuri amerikan ishte ngritur edhe mbi Pentagon.