Prishtinë, 16 maj - Përfaqësuesi Civil Ndërkombëtar në Kosovë, Piter Feith, ka vlerësuar se vizita e shefit të ekipit negociator serb në Prishtinë, Borislav Stefanoviç, është zhvillim pozitiv që kontribuon në komunikim ndërmjet Prishtinës dhe Beogradit.
 
Në një intervistë për gazetën beogradase ”Danas”, lidhur me “sinjalet” e Beogradit për ndarje, Feith ka thënë ICO dhe shtetet anëtare të Grupit Drejtues Ndërkombëtare angazhohen për integritetin territorial të Kosovës.

Feith konsideron se zgjidhja për veriun e Kosovës duhet të bazohet në tri parime - veriu duhet të mbetet në Kosovë, nuk guxon të ketë dhunë dhe në atë hapësirë nuk duhet të ekzistojë një konflikt i ngrirë.