Beograd, 24 tetor - Ministria e Punëve të Jashtme të Serbisë ka reaguar ndaj deklaratës së kryeministrit të Turqisë, Rexhep Taip Erdogan, i cili ka thënë të mërkurën se Kosova është vendi i tij i dytë.

MPJ-ja e Serbisë ka vlerësuar se deklaratat e tilla nuk mund të pranohen si miqësore. “Po largohen nga të bindurit që kemi në kontakte me zyrtarët më të lartë të Turqisë. Prizreni me gjasë është vendi më i pashembullt për deklarata të tilla. Çdokush në botë e di se Kosova është fjalë serbe dhe territor serb, madje edhe ata që e kanë njohur këtë shtet”, thuhet në komunikatën e MPJ-së së Serbisë.

Kryeministri turk, Erdogan, të mërkurën në tubimin në Prizren, ku kanë marrë pjesë disa mijëra qytetarë, ka thënë se Kosova është vendi i tij i dytë