Washington, 16 shkurt - Kongresmeni amerikan Eliot Engelnë në një intervistë për Zërin e Amerikës ka kritikuar retorikat e fundit nacionaliste të lëshuara nga politika shqiptare, duke u shprehur se Kosova dhe Shqipëria janë dy shtete të pavarura nga njëra-tjetrën.

“Jam i shqetësuar për këto retorika, pasi ne luftuam shumë për pavarësinë e Kosovës. Është e natyrshme që të ketë lidhje të ngushta dhe ndjenja vëllazërie mes Shqipërisë e Kosovës, por komentet për një Shqipëri të Madhe nuk mund të jenë kurrë të dobishme.

\"Kosova është Kosovë dhe Shqipëria është Shqipëri”, ka thënë Engel. 

Kongresmeni amerikan, në përfundim foli për marrëdhëniet Shqipëri-SHBA, duke theksuar se shqiptarët janë miq më të mirë të amerikanëve, dhe e kundërta.

“Kombi shqiptar, qoftë Kosova ka një gjë që duhet përmendur. Për shumë vite me radhë Shqipëria sundohej nga diktatura më e egër në gjithë Evropën, e ndoshta në gjithë botën. Miq më të mirë që kanë amerikanët janë shqiptarët, dhe miq më të mirë që kanë shqiptarët janë amerikane”- përfundoi kongresmeni Engel.