Athinë, 18 maj - Gjithnjë e më shumë emigrantë, të cilët prej vitesh punojnë në Greqi, po e braktisin këtë shtet për shkak të krizës së vështirë financiare.

Këtë sot e shkruan gazeta greke ''Katimerini'', e cila shton se emigrantët po kthehen në atdheun e tyre apo po kërkojnë punë më të mirë në ndonjë shtet tjetër të Evropës.

Ekspertë të tregjeve të punës kanë vënë alarmin për rënien serioze të të ardhurave në bizneset ku punojnë të huajt.

''Madje edhe në bursën e punës, ku mund të shihen të huaj duke kërkuar ndihmë, tani nuk mund të gjesh më askënd'', komenton gazeta.