Eksperti i OKB-së për persona të zhvendosur riviziton Serbinë dhe Kosovën
Ai do t’i ripërcjellë rekomandimet e bëra në raportin e tij më 2013** për Këshillin e OKB-së për të Drejta të Njeriut.
“Shumë vite pas valës së parë të zhvendosjes, PZHBV-të vazhdojnë të përballen me probleme rreth qasjes në tokë, banim, pronë, dhe mundësive për zgjidhje afatgjate,” tha Z. Beyani, duke rikujtuar vizitën e tij të mëhershme në Serbi dhe Kosovë.
“Gjatë vizitës time, do ta shqyrtoj përparimin e bërë në mbrojtjen dhe asistencën ndaj të gjithë PZHBV-së. Njëkohësisht do t’i shqyrtoj të gjitha opcionet e mundshme për të arritur zgjidhje afatgjata për PZHBV-të,” shtoi Beyani.
Gjatë vizitës së tij pesëditore, Beyani do të takohet me autoritetet përkatëse, organizatat e shoqërisë civile dhe partnerët e OKB-së, mes tjerëve. Ai do ta vizitojë Beogradin dhe Prishtinën, dhe do të konsultohet drejtpërdrejtë me PZHBV-të dhe komunitetet pranuese nëpër vendbanime të ndryshme.
Në përfundim të vizitës, Beyani do të lëshojë një deklaratë me gjetjet e tij.
