Kajro, 24 mars - Një gjykatë egjiptiane dënoi sot me vdekje në instancën e parë 529 mbështetës të presidentit islamik Muhamed Mursi i shkarkuar nga ushtria për akte dhune të kryera gjatë verës, njoftojnë burime gjyqësore.

Vetëm 153 ndër të dënuarit janë të burgosur, të tjerët ndodhen në arrati, shtuan këto burime.

Që kur ushtria shkarkoi Morsin më 3 korrik, 1 400 prej përkrahësve të tij janë vrarë gjatë represionit dhe mijëra të tjerë janë burgosur.