Beograd, 24 janar - Ndaj deklaratës së Ambasadori i Gjermanisë në Beograd, Hajnc Vilhelm, ka reaguar kryetari i Këshillit për Kosovën i Kuvendit të Serbisë, Milovan Drecun.

Ai ka thënë se “deklarata e ambasadorit gjerman se gjatë dialogut duhet biseduar edhe për anëtarësimin e Kosovës në KB, është provokim i qëllimshëm”.

”Nëse vazhdohet me kushte të tilla dhe pothuaj me diktat siç është anëtarësimi i Kosovës në KB, nuk shoh perspektivë evropiane të Serbisë porse po shkojmë në një problem më të madh – në Shqipërinë e madhe”, ka thënë Drecun.

Sipas tij, deklarata e tilla shtojnë numrin e qytetarëve që kundërshtojnë hyrjen e Serbisë në BE.