Beograd, 9 korrik - Lideri i Lëvizjes së Ripërtëritjes Serbe, Vuk Draskoviç ka deklaruar se shtrëngimi i duarve ndërmjet ish presidentit të Serbisë, Boris Tadiç dhe kryeministrit të Kosovës, Hashim Thaçi ka qenë një akt njerëzor dhe civilizues dhe se është i turpshëm çdo gjykim i një veprimi të tillë.

“Për t`i pëlqyer Këshillit Kombëtar serb të Kosovës dhe Metohisë dhe shumë të tjerëve në Serbi, dje në Dubrovnik, Boris Tadiç duhej të  godiste Hashim Thaçin, e jo të shtrëngonte duart me të”, ka thënë Draskoviç për agjencinë Beta.

Draskoviç ka vlerësuar se gjykimet e një akti të tillë janë dashakeqe.