Beograd, 31 dhjetor - Zëvendëskryeministri, njëherësh dhe kryetari i Partisë Socialiste të Serbisë, Ivica Daçiç ka deklaruar se Serbia nuk do të bie edhe nëse mbetet pa Kosovën.

Pyetjes se cila është më e rëndësishme, Bashkimi Evropian apo Kosova, Daçiç në një intervistë për mediat vendase është shprehur se se më e rëndësishme ndër të gjitha është Serbia.

“Ne shkojmë në Bashkimin Evropian për shkak të Serbisë, dhe vëtem nëse është në interesin tonë. Nuk do të bie Serbia edhe nëse mbetet pa Kosovën."

"Kjo ka ndodhur në historinë serbe, ky fanatizëm dhe kjo dashuri për Evropën, ose ky mazohizëm se nuk mund të jetojmë pa Kosovën apo pa Republikën e Serbisë”, ka thënë Daçiç.