Beograd, 1 maj - Kryeministri serb Ivica Daçiç, tha sot se qeveria e tij është e vendosur të zbatojë marrëveshjen për normalizimin e marrëdhënieve me Kosovën.

Komentet e tij pasuan diskutimet me përfaqësuesit e serbëve të veriut të Kosovës të cilët kërkuan që marrëveshja të shqyrtohet fillimisht nga Gjykata Kushtetuese e Serbisë, e pastaj të mendohet për një referendum mbi këtë çështje.

Por, kryeministri serb tha se Serbia nuk ka kohë për të humbur dhe se qeveria e tij nuk do të ndryshojë qasjen ndaj marrëveshjes.