Pragë, 21 gusht - 140 deputetë çekë kanë votuar shpërbërjen e parlamentit, duke i hapur rrugën zgjedhjeve të parakohshme, që pritet të mbahen në fund të tetorit.

Data e zgjedhjeve pritet të caktohet nga presidenti Milosh Zeman.

Qeveria çeke e kryesuar nga Jiri Rusnok i paraqiti dorëheqjen presidentit Zeman, pasi nuk fitoi votëbesimin në parlament.

Pasi pranoi dorëheqjen, kreu i shtetit i kërkoi kabinetit aktual të vazhdojë punën deri në krijimin e qeverisë së re.

Pas dorëheqjes së ish kryeministrit Petr Necas, i përfshirë në një skandal spiunazhi dhe ryshfeti, më 10 korrik presidenti Zeman emëroi Rusnok në krye të qeverisë provizore, pa patur miratimin e shumë partive në parlamentin çek.