Gjenevë, 16 maj - Për herë të parë në histori, popullsia e përgjithshme botërore ka më shumë njerëz mbi 65 vjeç sesa fëmijë të moshës nën pesë vjeç, sipas Kombeve të Bashkuara.

Tani në planet ka rreth 705 milionë veta mbi 65 vjeç, ndërsa fëmijë të moshës ndërmjet 0 dhe 4 vjeç rreth 680 milionë.

Prirjet tregojnë një pabarazi në rritje midis më të moshuarve dhe më të rinjve deri në vitin 2050, kur do të ketë më shumë se dy persona mbi 65 vjeç për çdo fëmijë nën 5 vjeç.

Ky hendek në zgjerim simbolizon një prirje që demografët e kanë vënë re për dekada: në shumicën e vendeve njerëzit po jetojnë më gjatë dhe nuk lindin mjaftueshëm fëmijë.