Washington, 29 prill - Ish-presidenti amerikan Bill Klinton kishte urdhëruar bombardimin e ambasadës kineze në Beograd gjatë bombardimeve të NATO-s në Serbi në vitin 1999.

Sid Franes, ish-shefi i Intelegjencës së Marinës Amerikane ka thënë për agjencinë “The Land of Free”, se Klinton kishte urdhëruar bombardimin e ambasadës.

Ai tha se kishte marrë urdhërin, pasi që nga njësitet e intelegjencës tokësore ishin njoftuar se në ambasadën kineze ishte instaluar aparatura që përgjonte fluturimet mbi Beograd.

Ish-shefi i lartë i intelegjencës amerikane është larguar nga detyra e tij dhe tani punon si një detektiv policie. Ai gjithashtu ka thënë se kishte marrë urdhëra gjatë bombardimeve në luftën e Kosovës që të mos kursej asgjë për municionet dhe armatimin.