Romë, 9 nëntor - Kryeministri italian Silvio Berluskoni paralajmëroi dorëheqjen e tij. 75 vjeçari i përfshirë nga një numër skandalesh seksuale dhe korrupsioni theksoi megjithatë se së pari do të duhej të miratohej ligji i stabilitetit për të cilin këmbëngul Bashkimi Evropian.

Me deklaratat e  tij Berluskoni i konfirmoi të dhënat e e presidentit të vendit, Giorgio Napolitano.

Sipas një deklarate të Presidencës thuhet se: \"Kryeministri italian, Silvio Berlusconi do të japë dorëheqjen vetëm pas miratimit nga Parlamenti të masave buxhetore dhe reformave ekonomike të premtuara në Bashkimin Evropian, për të shmangur përhapjen e krizës në zonën euro\".

Më parë një votim në Parlamentin e Romës kishte treguar se Berluskoni nuk ka më shumicën e qeverisë. Buxheti faktik i Italisë u miratua me 308 vota, por 309 deputetë votuan gjithsej, ndërsa 321 të tjerë bojkotuan votimin në Dhomë e Ulët të Parlamentit. Rezultatet tregojnë se kryeministri Berluskoni ka marrë më pak se gjysma e votave të Dhomës së Ulët.

Pavarësisht se opozita nuk votoi, shumë deputetë të koalicionit qeverisës së kryeministrit nuk morën pjesë në votim. - Italia është e zhytur në borxhe të larta dhe duhet të paguajë vazhdimisht kamata të larta për paratë që merr.

Pas njoftimit të Berluskonit për tërheqjen e tij nga posti, në New York bursa u mbyll me fitime.