Milano, 15 prill - Ish-kryeministri i Italisë, Silvio Berluskoni duhet të bëjë një vit punë shërbim në komunitet për mashtrim me taksat. Vendimi është marrë nga një gjykatë në Milano.

Berluskoni është dënuar për shmangie taksash në lidhje me të drejtat e transmetimit televiziv në kompaninë e tij Mediaset.

Alternativa tjetër e shërbimit në komunitet është arresti shtëpiak. Nuk është ende e qartë se për çfarë lloj shërbimi në komunitet bëhet fjalë.

Gjykata pritet që të bëjë një komunikatë lidhur me detajet e vendimit jo më vonë se dita e sotme.