Bruksel, 27 janar - Me gjithë paralajmërimet dhe spekulimet në Kosovë se kryeministri Isa Mustafa nuk do të paraqitet në Bruksel në takim me kryeministrin e Serbisë, Aleksandar Vuçiq, për t’u solidarizuar kështu me qytetarët e Kosovës, të cilët janë të izoluar, meqë nuk ka liberalizim vizash, takimi i planifikuar i kryeministrave në Bruksel do të zhvillohet të mërkurën, dhe në të do të marrë pjesë edhe Mustafa.

Këtë e ka konfirmuar të martën në Bruksel Maja Kocijançiq, zëdhënëse e përfaqësueses së BE-së për Politikë të Jashtme dhe Siguri, Federika Mogherini, shkruan sot Koha Ditore.

Kocijançiq ka thënë se edhe në këtë takim pritet të diskutohet zbatimi i marrëveshjeve të arritura deri më tash dhe rruga përpara në dialog.

/Koha Ditore/