BE planifikon krijimin e një fondi të përbashkët të mbrojtjes
Zv./presidenti i Komisionit Europian, Jyrki Katainen, thotë se plani ka për qëllim të ruajë nivelin e sigurisë, pa rritjen e shpenzimeve ushtarake.
Fondi prej pesë miliardë euro është pjesë e një përpjekjeje më të gjerë për ringjalljen e bashkëpunimit rajonal në fushën e mbrojtjes duke lejuar qeveritë të blejnë pajisje të reja me kosto të ulët.
Nuk ka ende hollësi se si do të nxiten qeveritë të braktisin planin e tanishëm, por zyrtarët e BE-së kanë besim pasi plani i ri parashikon kursime të mëdha.
BE-ja dëshiron fondin e ri të mbrojtjes për të rritur bashkëpunimin dhe për të zvogëluar paratë e shpenzuara kot që burojnë nga mangësitë teknologjike dhe mungesa e ndërveprimit me pajisje.
Evropa vlerëson se kjo mungesë e bashkëpunimit për çështjet e mbrojtjes kushton BE-në mes 25 miliardë dhe 100 miliardë euro apo 26.5 miliardë dollarë dhe 106 miliardë dollarë në vit.
