Bruksel, 22 nëntor - Bashkimi Europian ka deklaruar se është arritur përparim në dialogun teknik Prishtinë-Beograd për menaxhimin e integruar të kufijve në Bruksel, por mbetet ende shumë punë për tu bërë.

Zëdhënësja e përfaqësueses së lartë të BE-së Catherine Ashton, Maja Kocijançiç theksoi se  grupi i punës për këtë negociata do të takohet sërish së shpejti.

Zbatimi i marrëveshjes për menaxhimin e integruar të kufirit (IBM) ishte temë e bisedimeve dyditore të dy vendeve, ndërsa zbatimi i IBM duhet të fillojë nga 10 dhjetori në dy vendkalime pilot.