BE ndan 3.5 miliardë euro shtesë në buxhetin e ndihmës ushtarake
Ministrat e Punëve të Jashtme të BE-së "miratuan vendimin për rritjen e kufizimit të përgjithshëm financiar të Fondit Evropian të Paqes (EPF) me 3.5 miliardë euro", thuhet në deklaratën e Këshillit të Bashkimit Evropian.
Me këtë buxheti total i fondit ushtarak u ngrit në 12 miliardë euro, që është rritja e dytë që nga krijimi i fondit financiar në vitin 2021.
"Ky vendim dërgon sinjal të qartë politik të përkushtimit të qëndrueshëm të BE-së për mbështetjen ushtarake për Ukrainën dhe të tjerët", thuhet në deklaratë.
BE-ja ka ndarë tashmë 4.6 miliardë euro në mbështetje ushtarake për Ukrainën që nga fillimi i luftës ruse në shkurt të vitit të kaluar.
