Bruksel, 2 dhjetor - Pas miratimit nga Këshilli i Sigurimit i OKB-së të rezolutës së re lidhur me Korenë e Veriut, edhe BE-ja planifikon të ashpërsojë sanskionet.

Në deklaratën e BE-së vihet në dukje se rezoluta Nr.2321 e Këshillit të Sigurimit do të bëhet ligj i BE-së. Njëkohësisht BE-ja kritikon Korenë e Veriut për kërcënimin ndaj paqes e sigurisë ndërkombëtare.

Të mërkurën, Këshilli i Sigurimit i OKB-së miratoi njëzëri rezolutën Nr. 2321 ku dënohet prova bërthamore e Koresë së Veriut e bërë më 9 shtator, i kërkohet Koresë së Veriut të heqë dorë nga plani i armëve bërthamore e i raketave dhe të ashpërsohen sanksionet ndaj këtij vendi.