Beograd, 26 dhjetor - Duke komentuar kapitullin 35 në negociatat për pranimin e Serbisë në BE, burimet qeveritare serbe thonë se në kuadër të kësaj do të përcillet normalizimi i raporteve mes Beogradit dhe Prishtinës.
 
Mirëpo, Johanna Deimel, eksperte gjermane për Ballkanin Perëndimor, ka thënë se detyra kryesore e Serbisë në bisedat me BE-në janë zbatimi i reformave dhe harmonizimi i legjislacionit, dhe se kapitulli 35 do të jetë veçanërisht i vështirë për ta, transmeton Kurir.

”Dihet se te ligjet dhe Kushtetuta e Serbisë, Kosova trajtohet si pjesë e shtetit. Prandaj, neni 35, i cili i referohet marrëdhënieve dypalëshe, do të ndikojë në gjithë procesin e negociatave, që nga fillimi”, thotë ajo.