Bruksel, 19 shkurt - Bashkimi Evropian i ka ashpërsuar sanksionet ndaj Koresë së Veriut pas testit bërthamor të kryer gjatë javës së kaluar.

Marrja e këtij vendimi është arritur gjatë një takimi të ministrave të jashtëm të shteteve anëtare të BE-së, të hënë në Bruksel.

Këto sanksione përfshijnë ato të miratuara nga Këshilli i Sigurimit të OKB-së gjatë janarit dhe gjithashtu, janë shtuar edhe disa masa tjera, përfshirë këtu ndalesën e eksportit të materialet kryesor që lidhet me sektorin e raketave balistike të Koresë së Veriut dhe kufizime financiare.

Koreja e Veriut, është sanksionuar nga shumë vende, pas 12 shkurtit pasi që kishte realizuar testin e tretë bërthamor.

Në një deklaratë të bërë të hënën, ministrat e financave të BE-së, kanë kritikuar Penianin se, “prapë ka zgjedhur rrugën e gabuar të provokimit dhe izolimit”.