Bastiset “kryeqyteti i seksit”, arrestohen 920 persona
Aksioni i policisë vjen pas raportimit të medieve, ku është ekspozuar skllavëria seksuale në një qytet kinez të njohur si “kryeqyteti i seksit”.
Në një reportazh të transmetuar në televizion është treguar në lidhje me prostitucionin në qytetin Dongguan të krahinës Guangdong.
Pas presionit publik, policia nisi një operacion të gjerë bastisjesh në këtë krahinë të pasur bregdetare.
Të enjten, forcat e rendit njoftuan se kanë arrestuar 920 persona të dyshuar si të përfshirë në një zinxhir prostitucioni.
Sipas forcave të rendit, në mesin e qendrave të bastisura, ishin edhe klube të këndimit dhe të vallëzimit, si dhe saunat dhe sallonet e masazhit.
