Bernë, 17 tetor - Sekretari i përgjithshëm e OKB-së, Ban Ki-Mun i bëri thirrje Prishtinës dhe Beogradit për zgjidhjen e problemeve me dialog, sidomos në kalimet administrative në pjesën veriore të Kosovës.

“Unë u takova me përfaqësuesit e të dyja qeverive gjatë Asamblesë së Përgjithshme të OKB në shtator dhe u thashë atyre se duhet të zgjidhin të gjitha çështjet e pazgjidhura,” tha Ban Ki-Mun në një konferencë shtypi në Bernë.

Sekretari i Përgjithshëm i OKB-së ka thënë se “është e papranueshme që kufiri të jetë i bllokuar”, duke shtuar megjithatë se ai është i vetëdijshëm që ky është një konflikt që i ka rrënjët e thella”. Ban Ki-Mun tha se nevoja për të diskutuar dhe gjetur zgjidhje përmes dialogut të këtij problemim “historik dhe politik”.

Serbët në veri të Kosovës nuk i njohin autoritetet e Prishtinës dhe refuzojnë që këto autoritete të kontrollojnë kalimet administrative me Serbinë në Jarinje e Bërnjak, prandaj nga shtatori edhe kanë ngritur barrikada. Pas konfliktit në mes të serbëve dhe KFOR-it muajin e kaluar, u pezullua dialogu Beograd-Prishtinë.