Tiranë, 2 mars - Gjatë   një   vizite në  Shqipë ri, kryetari i Komunës së  Mitrovicës, Agim Bahtiri, ka zhvilluar takime të  shumta me krerë të  insitucioneve të shtetit shqiptar. Pas takimeve me presidentin, Bujar Nishani dhe kryebashkiakun e Tiranës, Lulzim Basha, Bahtiri është   takuar  edhe me kryetarin e Parlamentit, Ilir Meta si dhe me ish-kryeministrin, Sali Berisha.
  
Në të gjitha këto takime kryetari Bahtiri, i cili shoqërohej edhe nga nënkryetari i komunës, Safet Kamberi dhe kryesuesi i Kuvendit të  Komunës, Bislim Imeri, mori mbështetje për projektet e tij zhvillimore në Mitrovicë. Gjithashtu ata inkurajuan kryetarin Bahtiri edhe për bashkëpunim me strukturat e reja që  janë zgjedhur në komunat me shumicë serbe në veri në   mënyrë që sa më shpejt  të integrohet edhe ajo pjesë  në kuadër të ligjeve të Kosovës.

Kryetari i Parlamentit, Ilir Meta, çmoi vendosmërinë e kryetari Bahtiri për ta bërë   Mitrovicën një qytet të zhvilluar ekonomikisht. “Mitrovica me kapacitetet që ka duhet të   bëhet gjenerator i zhvillimit në Kosovë”, tha ai.          

Poashtu edhe në takim me ish-kryeministrin, Sali Berisha, u bisedua për gjendjen aktuale në Mitrovicë. Berisha shtroi nevojën për mbështetje më të madhe për Mitrovicën, duke pasur parasysh rrethanat specifike që ka.

Në  të  gjitha këto takime ishte i pranishëm edhe Gazmend Boletini, stërnipi i heroit kombëtar, Isa Boletini. Pashmangshëm u bisedua edhe për përgatitjet sa i përket ceremonisë   për rivarrimin e eshtrave të   heroit, pas konfirmimit të    vërtetësisë   së   eshtrave të   tij. 

Drejtuesit  e shtetit shqiptar dhe  personalitet e shquara politike më   te cilat u takua kryetari Bahtiri, mbështeten idenë   për një ceremoni madheshtore që do të   organizohej në bashkëpunim të  të  dy shteteve shqiptare.