Beograd, 4 maj - Bashkë me zgjedhjet presidenciale dhe ato parlamentare, votuesit në Zveçan dhe Zubin Potok në veriun e Kosovës do të ftohen nga autoritetet serbe të votojnë edhe për autoritetet lokale në votimet e të dielës.

Këto zgjedhje, siç thotë B92 nuk mbështeten nga Beogradi zyrtar dhe janë kundërshtuar nga një pjesë e komunitetit ndërkombëtar dhe autoritetet e Prishtinës.

Mësohet se zgjedhjet lokale në këto dy komuna nuk do të mbahen në të njëjtat qendra votimi me zgjedhjet presidenciale dhe parlamentare pasi vlerësohet se mund të komprometonin procesin në të cilin është përfshirë edhe OSBE-ja.