Bruksel, 28 korrik - Kryediplomatja e Bashkimit Evropian, Catherine Ashton, ka dënuar dhunën në veri të Kosovës.

“E dënoj fuqishëm dhunën në veri të Kosovës. Zhvillimet e fundit janë të papranueshme”, thuhet në deklaratën e saj.

Ajo ngarkon me përgjegjësi Beogradin dhe Prishtinën, duke i bërë thirrje për zbutjen e menjëhershëm të tensionit dhe vendosjen e rendin dhe sigurinë për të gjithë.

“Dhuna kurrë nuk do të tolerohet, ndërsa veprimet e njëanshme nuk janë rruga për të ecur përpara”, ka thënë kryediplomatja evropiane.

Një grup personash kanë sulmuar dhe djegur vendkalimin kufitar në Jarinë, mbrëmjen e së mërkurës.