Zagreb, 13 maj - Përfaqësues të AKR-së po marrin pjesë në takimin me ALDE dhe Flo Clucas, në Kroaci në të cilin do të flitet për zhvillimin e programeve, për përfshirjen e gruas në politikë dhe gjithashtu për rezoluten kundër dhunës ndaj grave.

Gjatë ketij takimi u diskutuan një sërë cështjesh, si: Një treg i vetëm në fushat e energjisë, shërbimet financiare dhe digjitale, hëkurudhat e politikat e kujdesit shëndetësor dhe një sistem pune më i avancuar për të vazhduar zhvillimin e energjisë së gjelbër, eficiente.  

Liberal Demokratët do të propozojnë politika për të zhvilluar lëvizjen e dijës, pra të bëhet me e lehtë për studentët dhe akademikët të njihen jashtë shtetit të tyre dhe në këtë mënyrë të nxisin inovacionet.

Përfaqësuesja nga AKR-ja, Donika Gashi, e cila po vazhdon të jetë prezente në këto takime të rëndësishme tha se, janë diskutuar një mori temash me të cilat përballet Kosova, sidomos nevoja që edhe Kosovarët të lëvizin lirshëm në Bashkimin Evropian, si dhe me te arriturat e Kosovës në zbatimin e ligjeve që kanë të bëjnë me të drejtat e Grave.