Gjenevë, 13 maj - Kosova dhe Serbia kanë bërë pak përparim në zbardhjen e fatit të personave të pagjetur që nga lufta e vitit 1999. kështu thuhet në raportin vjetor për të drejtat e njeriut të Organizatës Amnesty International.

Në raport veçohet edhe vendimi i vendeve të Bashkimit Evropian dhe Zvicrës për kthimin e detyrueshëm të romëve në Kosovë, në kundërshtim me udhëzimet e Komisionerit të Këshillit të Evropës për të Drejtat e Njeriut.

Raporti ka fokusuar kërkesat e shtuara për liri dhe drejtësi në gjithë Lindjen e Mesme dhe Afrikën e Veriut. Përkeqësim i situatës së të drejtave të njeriut shihet në Ukrainë, Bjellorusi, Kirgizi, Irak dhe në Kaukazin Verior rus.