Tiranë, 16 qershor - Kryetari i Lëvizjes Vetëvendosje! Albin Kurti u takua dje, më 15 qershor, me Kryeministrin e Republikës së Shqipërisë Edi Rama. Takimi u mbajt në Këshillin e Ministrave në Tiranë.

Kurti dhe Rama biseduan për zhvillimet e fundit politike në Kosovë, për bashkëpunimin në mes Kosovës dhe Shqipërisë si dhe për situatën në rajon.

Gjatë takimit temë e bisedës ishte  edhe axhenda e integrimeve evropiane për Shqipërinë dhe Kosovën.

 Kurti dhe Rama diskutuan edhe për mundësitë dhe rëndësinë e thellimit të bashkëpunimit të dy subjekteve të tyre politike që kanë orientim programor të majtë.